கண்கள் உருட்டி
நாக்கை புறம் நீட்டி வருகிறது
குட்டிபூதம்.
கண்கள் இறுக்கி,
பிஞ்சு பல் இறுக,
தன் மென் விரல்களால்
"பிச்சு" வைக்கிறாள்,
மெதுவாய் விசும்ப தொடங்கையில்,
"ம்மா, அப்பாவெ, பூதா……பிச்சு" என்றபடி
சமையலறைக்கு ஓடுகிறாள்.
எல்லா வீட்டிலும் இருந்திருக்கும்
ஒரு குட்டி பூதம்,
எல்லார் வீட்டிலும் இருக்கக்கூடும்
குட்டியாகவோ,
பெரிதாகவோ
ஒரு தேவதை!
No comments:
Post a Comment