எச்சில் இலை சோற்று பருக்கைகளாய்
உன் நினைவுகள் .
பசித்து களைத்த நொண்டி சொறிநாய்
நான். 

பேனாவும் மையும் ,

காகிதமும் நேரமும் ,

நினைவுகளும் வார்த்தைகளும் 

நிறைய இருக்கின்றனதான் ,

இருந்தும் எழுவதில்லை .

வரிகள் உணர்த்துமா ......வலிகளை????

மறுக்க முடியும் ,
மறைக்க முடியும் ,
மறக்க முடியுமா ????????

வேலை கிடைக்காதவனின்
பகல் போல ,
நகர மறுக்கும்  பேருந்து .
உன் விடுமுறை நாட்களில் .

வார்த்தை ....மெல்லினம்
மௌனம் ......வல்லினம்
பெண்ணே, நீ
கொல்லினம்.