நீ கொஞ்சும்போதுதான்
தெரிந்துகொண்டேன்
என் வீடு நாய்க்குட்டியின் பெயர்
அவ்வளவு அழகு!

மழைகால இரவொன்றில்
முதல் முத்தம் தந்தாய்
இன்றுவரை விளங்கவில்லை
மழை நின்றபின் எழுவது
மண்வாசனையா, உன் வாசனையா ?

தொண்டைகுழி வற்றி விடும்வரை
உன்னோடு பேசிக்கொண்டிருக்க ஆசைதான்
ஆனால் என்ன செய்வது,
உன் அருகில் வந்த உடனேயே
என் தொண்டைகுழி வற்றி விடுகிறது

நான் சொல்வதெல்லாம் உண்மை ......
காதலை தவிர வேறொன்றுமில்லை .

நெடு நாட்களுக்கு பிறகு
உங்கள் படுக்கையறையில்
சலிப்போடு உன் உள்ளாடைகளை
தேடும்போது
நீ தொலைத்த
என் காதல் கண்டுகிட்டகூடும்.

கனவில் மட்டுமே பேசுவாள்
என் காதலி
நேரில் எனை பார்க்கும் போதெல்லாம்
வேட்கபடவேண்டுமென்பதால்.

'மழைபோற்றி' கவிஞர்களுக்கெல்லாம்,
வீடிருக்கிறது.

"சாமி பேருக்கு அர்ச்சனை "
என்றபடி
உன் பெயரை முணுமுணுக்கிறேன். 

"பொறுக்கி"  என்கிறாய்
சரிதான் , நான் உன்னிடமிருந்து
கவிதைகள்  பொருக்கிகொன்டிருக்கிறேன்.

சம்மதம் சொல்ல  கூட வேண்டாம்
சிரித்து மழுப்பவாவது செய்யேன் .

நீ என்னை கடந்து சென்றாய்
காற்று உன்னை கடந்து சென்றது
நான் .......... காற்றானேன்
காற்று ........ இலையானது .

"களவும் கற்று மற"
என்றாராம் வள்ளுவர் .
தவறாக புரிந்து கொண்டாயோ காதலி ?
என் இதயத்தை மட்டும் களவாடி
என்னை மறந்து விட்டாயே .