புறவழி சாலை

மனித இனத்தின் வளர்ச்சியும், வீழ்ச்சியும்
படிகமாக பதிந்து கிடந்தது ,சாலையில்.
நசுங்கி காய்ந்த தவளை உடல்

*ஆயிரம் நாவு*

தோழிகளின் சம்பாஷணை,
இவள் கண்கள் விரித்து ஆச்சர்யப்பட்டவாரே
பேசிக்கொண்டிருந்தாள் ,
இடையிடையே
முன்னால் விழும் முடியை ஒதுக்கியவாறு,
கண்விழிகள் படபடக்க,
அவளின் சாரியை (ஒரு பூவை) தொட்டு
ஏதோ சுட்டிக்காட்டியவாறு
ஒரு வேளை ,
புடவை பேச்சாக இருக்கலாம்,
அல்லது வேறு எதுவோ, 
நேரம் பார்த்தாள்
படபடத்தாள்
ஓயாமல் பேசினாள்
அவள் என்ன சொன்னாளோ,
இவள் சிரிப்பு சப்தம்
உச்சஸ்தயியில் வெளிப்பட்டது

அலுவலகத்தில் நடந்த
ஏதேனும் கிசுகிசுப்பை பகிர்ந்தார்களோ?
மிக நீண்ட நேர உரையாடல்
அவர்களுடையது!
உலகின் எல்ல விஷயங்களையும்

இன்றே பேசி தீர்ப்பதாய்
முடிவெடுத்தவர்கள் போல!
இவளின் அலைபேசி
சிறு அதிர்வுடன் ஒளிர்ந்தது ,
ஒரு முறை ஆச்சரியப்பட்டு மென் புன்னகை பூத்தாள்
பின் பேச்சே இல்லை ,
மற்றவளின் பேச்சிற்க்கு
புன்னகையும் தலையசைப்பும் மட்டுமே!
எது எப்படியோ
அவளுக்கும் ஒரு குறுஞ்செய்தி வந்து
அவளும் புன்னகை பொழியட்டும், 
அவனின் குறுஞ்செய்தி!
ஓம் சாந்தி சாந்தி சாந்தி!!!

*என்னை,தூக்கிலிடு;என்னை மட்டும்!*

உள்ளாடையோடு
கட்டிப்பிடிக்கிராள் ஒருத்தி!
அவன் முகச்சவரம் செய்தவன் 
கடித்து தின்கிறாள்  ,
வாசனை திரவியம் பூசினவனை,
அவனோடு முத்தமிட
அவளுகளிடையே பெரும் போட்டியே நடக்கிறது ,
அவன் ,வாய் மணக்க
பல் துலக்கியிருக்கிறான்!
எனக்கு தெரிந்தது இதுதான்
கொஞ்சம் பணமிருந்தால்
பொருள் வாங்கலாம்,
மேலும் கொஞ்சம் கூட இருந்தால்
அவளையும் வாங்கலாம்,
பெருநகர வணிக வளாக துணிக்கடையில் 
லேசானஆடையில்
எடுப்பான மார்பில்
ஒட்டப்பட்டிருந்தது
அவளுக்கான விலை!

நான் கற்ப்பழித்தேன்
என்னிடம்
நல்ல ஆடையோ,
முகச்சவரமோ,
நிறைய பணமோ இல்லை!
நான் ,உன்னை கற்ப்பழித்தவன்
எனக்கெதிராய் போராடு,
தூக்கு வாங்கி தா!
கற்ப்பழிப்புக்கு நல்ல தண்டணை
தூக்குதான்,!
நடிகையை மன புணர்ச்சி கொள்ளும் ,
அண்ணணிடமும் ,அப்பனிடமும்
உன் தங்கைக்கு பயமுமில்லை,
பாதுகாப்புமில்லை!

*பூரணி*

புண் வந்த பிச்சைக்காரனை அலட்சியபடுத்தினாள்,
பின் ,என்ன நினைத்தாளோ?,
குளித்துவிட்டு வரச்சொன்னாள்!

*நாயகன்*

நடுப்பக்கத்தில்
நாயகியை இறுக்கியபடி ……………

ஒரு ஸ்டாப்ளர் பின்!

மூக்கு நோண்டுவது
காது குடைவது
சொத்தைப்பல் குத்துவது,
எல்லாம் ஒரு சுகம் .
நினைவுகளின் புண்ணை வருடுவதில்
கவிதைக்கான கிளர்ச்சி!

"எல்லா துயரங்களிலும்,
உன் கூடவே இருப்பேன்"!
சினிமா வசனம் பேசாதேடீ!
நீ, கூட இருக்கயில்
வருவதற்க்கு பெயர்
துயரமா,என்ன???